Kucha nahiyisining ikki neper hakimi erzdarlarni qayturup ekétish üchün béyjinggha keldi
Ularning tirishchanliqliri kargha kelmigendin kéyin, kucha nahiyisining hakimi yüsüpjan we mu'awin hakim atawullamu aldinqi küni béyjinggha yétip kelgen. Aghu yézisida élip bériliwatqan tömür yoli qurulushi bu yézidiki 56 a'ilini 168 mo térilghu yéridin ayrip tashlighan. Bu a'ililiklerge dölettin bérilgen 9milyon 200 ming yüen tölem pulining yérimidin köprekini nahiyilik hökümet we yéza rehberliri igiliwalghan.
Ziyankeshlikke uchrighan a'ililerning 3 neper wekili bir ayning aldida béyjinggha yétip kélip, bu ehwalini béyjingdiki alaqidar organlargha shundaqla axbarat wasitilirige melum qilghan idi. Ikki neper hakimning mexsus erzdarlarni qayturup ekétish üchün béyjinggha kélishi, mezkur ehwalning yuqiri derijilik organlar teripidin sürüshte qilinishqa bashlighanliqi we yaki kucha nahiyilik hökümetning yéza ahalilirining tölem pulini igiliwélishtek öz qilmishidin endishe qiliwatqanliqi melum bolmaqta.
Da'iriler béyjinggha kelgendin kéyin, erzdarlargha idiyiwi xizmet ishlep, yurtigha qaytip ketse ularni razi qilidighanliqini bildürgen. Emma erzdarlar, özlirining bu erzni köpchilik üchün qiliwatqanliqini, 56 a'ilining ziyini toluq tölenmey turup erzidin waz kechmeydighanliqini we yurtigha qaytmaydighanliqini bildürgen.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
