Кучадики бир канда вәқә йүз берип, 7 адәм кан астида қалди

Уйғур аптоном райониниң куча наһийисидики бир көмүр канда вәқә йүз берип, 7 адәм кан астида қамилип қалған. Вәқә дүшәнбә күни әтигән сәһәрдә йүз бәргән болуп, кан қудуқлириниң биридин газ чиқип кетип, кан астида мәшғулат елип бериватқан кан ишчилиридин 7 киши кан астида қалған.
Мухбиримиз әркин
2010-08-09
Share

Бу һәқтики хәвәрләрдә вәқәниң кучаниң шималиға җайлашқан тағлиқ җилғидики бир көмүр канда йүз бәргәнликини илгири сүргән болсиму, лекин вәқә һәққидә тәпсилий учур берилмигән. Көмүр канниң ким тәрипидин башқурулидиғанлиқи, кан астида қалған ишчиларниң йәрлик хәлқ яки ичкиридин чиққан хитай көчмәнлири икәнлики мәлум әмәс.

Хитай даирилири йеқинқи йиллардин буян уйғур аптоном районида шәхсләрниң кан ечиш һоқуқини кеңәйтип, хитай карханичилирини көпләп җәлп қилған. Лекин бу сиясәтни тәнқид қилғучилар даириләрни хитай карханичилирини җәлп қилишни көзләп, көмүр канлириниң бихәтәрлик өлчими вә екологийилик бузғунчилиққа сәл қараш билән әйибләп кәлгән иди.

Игилишимизчә, кучадики көмүр кан вәқәсидә қутқузуш хадимлири дүшәнбә күни чүштин кейин саәт 1:00 гә қәдәр 5 қетим кан астиға чүшкән. Лекин кан астида қамилип қалған ишчиларниң һаят - маматлиқи һазирға қәдәр мәлум әмәс икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт