Kanada fédiral sot mehkimisi höküm chiqirip, ley changshingni xitaygha qayturuwétishni buyrughan

Kanada fédiral sot mehkimisi jüme küni höküm chiqirip, “Yüenxu'a etkeschilik weqesi” ning bash gumandari ley changshingni xitaygha qayturushni buyrughan.
Muxbirimiz erkin
2011.07.22
Share on WhatsApp
Share on WhatsApp

Kanada hökümet da'iriliri shu küni sot mehkimisini waqiplandurup, ley changshingning mushu hepte axiri xitaygha qayturulidighanliqini bildürgen.

Ley changshing 1999‏-yili “Yüenxu'a etkeschilik weqesi”ge chétilip kanadagha qéchip kelgendin buyan, uning mesilisi kanada-xitay arisida nurghun diplomatik awarichiliklerni tughdurghan idi.

Kanada sot mehkimiliri ilgiri ley changshingning ten jazasigha uchrash we ölüm jazasigha höküm qilinish éhtimalliqini közde tutup, uning xitaygha qayturulushini ret qilghan. Biraq bu qétim xitayning ley changshinggha ölüm jazasi bermeydighan'gha wede qilghanliqi ilgiri sürülmekte.

Sot ley changshingning musapir emeslikini, uning herikiti jinayi qilmish bilen alaqidar ikenlikini bildürgen. Xitay hökümiti jüme küni kanada fédiral sot mehkimisining qararigha inkas qayturup, sotning qararini qarshi alidighanliqini bildürdi.

Xitay tashqi ishlar ministirliqining bu heqtiki bayanatida “Biz kanada sot mehkimisining qararini qarshi alimiz” déyilgen. Lékin ley changshingning sot qararigha qandaq inkas qayturidighanliqi melum emes. Eger u fédiral sotning qararigha derhal naraziliq bildürüp, yuqiri derijilik sot mehkimisige erz sunmisa, uning mushu bir qanche kün ichide xitaygha ötküzüp bérilishi muqimliship qalghan bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.