Xitay, ley changshingni muddetsiz qamaq jazasigha höküm qildi

“Yüenxu'a weqesi” ning asasliq jawabkari ley changshing, xitayning shyamén ottura sot mehkimisi teripidin etkeschilik jinayiti bilen eyiblep, muddetsiz qamaq jazasigha höküm qilin'ghan.
Muxbirimiz erkin
2012.05.18
Share on WhatsApp
Share on WhatsApp

Siyasiy hoquqi menggülük élip tashlinip, barliq mal-mülki musadire qilin'ghan. Shinxu'a axbarat agéntliqining ilgiri sürüshiche, sot mehkimisi ley changshingni yene para bérish jinayiti bilen eyiblep, 15 yilliq qamaq jazasigha höküm qilghan we 20 milyon yüen jerimane qoyghan.

Ley changshing 1999‏-yili kanadagha qéchip bérip, kanada-xitay arisida zor diplomatik ixtilap peyda qilghan. Uning xitaygha qayturup bérilse, ölüm jazasigha höküm qilinish éhtimalliqi izchil kanadaning uni xitaygha qayturup bérishige tosalghu bolup kelgen. Sabiq xitay re'isi jyang zémin 2001-yili kanada bash ministiri jéyn krétyén'gha diplomatik alaqe ewetip, ley changshingni qayturup berse, ölüm jazasi bermeslikke wede qilghan. Peqet kanada uni 2011-yili 7-ayda xitaygha qayturghan idi.

Xitay sot mehkimisining hökümnamiside qeyt qilinishiche, ley changshing etkes qilghan omumi mal sommisi 3 milyard 300 milyon dollar bolup, bu jeryanda 1 milyard 700 milyon dollar baj oghrilighan. 1996-Yildin 1999-yilgha qeder 64 hökümet emeldarigha para bergen.

“Yüenxu'a weqesi” xitay kompartiyisi hakimiyet sorashqa bashlighan 1949-yildin buyan yüz bergen eng zor etkeschilik weqesi bolup, bu partiye, hökümet, armiye sépidiki yuqiri derijilik nurghun emeldargha chétilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.