Nobél sahibi lyu shawbo 55 yashqa tolghan tughulghan künini türmide xatiriligen

Fransiye axbarat agéntliqining xewer qilishiche, 2010 ‏-yilliq nobél sahibi lyu shawbo, 28 ‏-dékabir küni özining 55 yashqa tolghanliqi munasiwiti bilen türmide tughulghan künini xatiriligen.
Muxbirimiz shöhret hoshur
2010.12.28

Xewerde bildürülüshiche, aldinqi 2qétimliq tughulghan künide, uning tughulghan künini xatirilishige yol qoyulmighan bolup, bu qétimqisi uning türmide tunji qétim tughulghan künini xatirilishidur. Xewerlerde bayan qilinishiche, lyu shawboning ayali lyu shya 28 ‏-dékabir künimu dawamliq türde nezerbend astida tutulghan.

Xitay tashqi ishlar bayanatchisi jyangyü, muxbirlarning lyu shawboning dostlirining uning tughulghan künini tebriklishige yol qoyup-qoymaydighanliqi heqqidiki so'aligha" junggo bir qanun döliti, junggoning qanuni özining jiddiylikini qoghdaydu" dep jawab bergen.

Buningdin qarighanda, da'irilerning lyu shawboning tughulghan künining tebriklishini toghra dep qarimaydighanliqi, uning bügünki tughulghan kün xatirisining peqet türmidiki ayrim nazaretchi xadimlarning yol qoyushi we türmidashlarning ishtiraki bilen élip bérilghan bolushi mumkin. Fransiye axbarat agéntliqining xewiride lyu shawboning tughulghan künini konkrét qandaq shekilde xatiriligenliki bildürülmigen. Bügün xelq'ara kechürüm teshkilati we xongkongdiki xitay kishilik hoquq démokratiye jem'iyiti, lyu shawboning tughulghan küni munasiwiti bilen bayanat mexsus bayanat élan qilip, xitay hökümitining lyu shawboni derhal qoyup bérishini yene bir qétim telep qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.