En'gliye fransiye, we amérika da'iriliri liwiye mesilisi boyiche parizhda uchrashti

Shenbe küni, en'gliye fransiye, we amérika da'iriliri liwiye mesilisi boyiche parizhda uchrashti.
Muxbirimiz jüme
2011-03-19
Share

Fransiye agéntliqida xewer qilishiche, uchrishishqa fransiye prézidénti nikolas sarkozi, en'gliye bash weziri dawid kamérun we amérika dölet ishlar ministiri hilariy klinton xanimlar qatnashqan.

Ular, liwiyige qarita qollinidighan herbiy herikette öz döletliri üstige alidighan wezipiler toghrisida muzakire élip barghan.

Xewerge qarighanda, kazafy qisimlirigha hawadin zerbe bérish herikitini fransiye-en'gliye qisimliri üstige alidiken. Shimaliy atlantik ehde teshkilati bolsa kazafy herbiy ayropilanlirining uchushini cheklesh wezipisini üstige alidiken.

B b s da neqil qilishiche, en'gliye bash weziri dawid kamérun kazafyning xelq'ara jem'iyetke yalghan sözlep, öz xelqni qirghin qilishni toxtatmighanliqi, shunglashqa liwiye herbiy heriket qollinishning zörürlükini bildürdi.

U mundaq dédi: buninggha choqum xatime bérilishi kérek. Biz buni toxtitishimiz kérek. Biz kazafyni öz qilmishlirigha bedel tölitimiz.

Peyshenbe küni birleshken döletler teshkilati xewpsizlik kéngishi qarar chiqirip, liwiye xelqni kazafyning qirghinchiliqidin saqlash we kazafygha herbiy heriket qollinish qarari alghan idi.

Bir leshken döletler teshkilati bash katipi ban kimun mezkur qararni: tarixiy ehmiyetke ige, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet