Liwiyidiki qozghilangchilar düshenbe küni kazafiyning yurtigha yürüsh qildi

Liwiyidiki qozghilangchilar gherb ittipaqdash küchlirining kazafiygha qarshi qozghighan hawa hujumidin paydilinip, arqa-arqidin bir qisim muhim istratégiyilik nuqtilarni tartiwalghandin kéyin, düshenbe küni kazafiyning yurti sirt shehirige qarap ilgiriligen.
Muxbirimiz erkin
2011-03-28
Share

Lékin, qozghilangchilar sirt shehirini qoghdawatqan kazafiy küchlirining shiddetlik qarshiliqigha uchrap, bu sheherni élishqa muweppeq bolalmidi. B b s ning xewer qilishiche, qozghilangchilar sirt shehirige yétip bérishtin burun kazafiy küchlirining shiddetlik qarshiliqigha uchrap toxtap qalghan. Qozghilangchilarning kazafiy qisimlirining topqa tutushi sewebidin bin jawidqa chékinishke mejbur bolghanliqi ilgiri sürülmekte.

Buningdin burun qozghilangchilar ittipaqdash küchlerning hawa hujumidin paydilinip, liwiyining ottura déngiz boyidiki rast lanuf, bréga, uqayla we bin jawad qatarliq muhim istratégiyilik nuqta we sheherlerni ishghal qilghan idi. Lékin, yekshenbe kündin bashlap liwiyidiki hawa herikitining qomandanliq hoquqini ötküzüwalghan sh a o e t hawa hujumining qozghilangchilarni qoghdawatqanliqini ret qilghan.

Sh a o e t ning liwiyidiki hawa herikitining qomandani général charlis bochard, hawa hujumining qozghilangchilargha purset yaritip bériwatqanliqini ret qilip, “Bizning wezipimiz hujum tehditige uchrawatqan puqralar we ahaliler nuqtilirini qoghdash” dep tekitligen. Shu küni yene, fransiye bilen en'gliye kazafiy terepdarlirini waqitni ötküzmey kazafiydin waz kéchishke chaqirdi.

Fransiye bilen en'gliye düshenbe küni qoshma bayanat élan qilip, “Biz kazafiyning liwiyini balayi-apetke élip barghanliqini hés qilghan kazafiy terepdarlirini, pozitsiyisini özgertip, ötkünchi basquchqa qatnishishqa chaqirimiz” dégen.

Xewerlerge qarighanda, liwiyining gherbidiki qozghilangchilar igilep turuwatqan muhim istratégiyilik nuqtilardin misrata shehiride urush dawamlishiwatqan bolup, mezkur sheher kazafiy küchliri teripidin topqa tutulmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet