Rusiye gherbning süriyini téximu ilgiriligen halda jazalash pilanigha qarshi chiqti

Ötken hepte amérika we yawropa birliki öz xelqining démokratik teleplirini izchil halda qanliq basturup kéliwatqan süriye hökümitini téximu ilgiriligen halda jazalash heqqide qarar layihisi tüzgen idi.
Muxbirimiz shöhret hoshur
2011.09.12

Rusiye da'irilirimu ötken heptidiki bir bayanatida, süriye prézidénti besher esadqa qattiqraq tonda signal bérishke qoshulidighanliqi heqqide isharet bergen idi. Emma prézidént médwidéw bügünki yeni düshenbe künidiki sözide süriyige artuqche jaza qollinishqa bolmaydighanliqini bildürdi.

Buning bilen mezkur layihining b d t bixeterlik kéngishide testiqlinish mumkinchiliki waqtinche tosalghugha uchridi.

B d t insan heqliri komissari nawiy pilay süriyide isyan bashlan'ghandin hazirgha qeder 1600 puqraning ölgenlikini, buninggha b d t bixeterlik kéngishining tedbir qollinishi kéreklikini bildürgen. Süriye hökümiti bolsa yuqiriqi sanni ret qilip, weqede ölgenler sanining 1400 ikenlikini, ölgüchilerning yérimi saqchi we hökümet terepdarliri ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.