Xitay lopnurgha baridighan 'qumul - lopnur tömüryol' qurulushini bashlidi

Shinxu'a axbarat agéntliqining xewer qilishiche, xitay tömüryol torini Uyghur élining lopnur nahiye bazirigha tutashturidighan "qumul - lopnur tömüryoli" namidiki yéngi bir qurulush türi charshenbe küni ish bashlighan.
Muxbirimiz erkin
2010-03-04
Share

Bu heqtiki xewerlerde, "qumul - lopnur tömüryoli" qumul sana'et rayoni bilen lopnurdiki tuz kénini öz - ara bir birige tutashturidighanliqini, tömüryol liniyisining omumi uzunluqi texminen 370 kilométirgha yétidighanliqini ilgiri sürgen.

Bezi analizchilar, mezkur tomüryolning asasliqi lopnurdiki tuz bayliqini toshush meqsitide quruliwatqanliqini bildürmekte. Mezkur tömüryol qurulushigha Uyghur aptonom rayoni,xitay tömüryol ministirliki we lopnur tuz ishlar cheklik mes'uliyet shirkiti birliship meblegh salidighan bolup, 3 milyard yüen meblegh sélinidiken.

Xitay axbarat wastilirining ashkarilishiche, lopnurdiki tuz zapisining omumi miqtari 500 milyon tonna bolup, mutexessisler buning iqtisadi qimmiti az dégende 500 milyard yüen'ge yaraydighanliqini ilgiri sürgen. Bu heqtiki xewerlerde, lopnur tömür yolining kelgüside hazir lahiyelinish basquchidiki chingxey‏-shinjang tömüryoligha tutashturulidighanliqini bildürgen.

Lékin chet'eldiki Uyghur siyasi pa'aliyetchiler bolsa, "bu qurulush xitay köchmenlirining köpiyishini tézlitip, yerlik xelqning medeniyiti, ijtima'iy we iqtisadi pa'aliyet boshluqini ilgirligen halda taraytiwétidu," dep tenqid qilmaqta. Lékin xitay hökümiti bu qurulush yerlik iqtisadning tereqqiyatini ilgiri sürüdighanliqigha ishinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet