Lxasada bir türküm tibet aliy mektep oqughuchiliri namayish qilghan

Peyshenbe küni lxasada bir qisim tibet aliy mektep oqughuchiliri, aptonom rayonluq xelq hökümiti aldida toplinip, tibet aliy mektep oqughuchilirining xizmetke qobul qilinishta kemsitishke uchrash ehwaligha qarshi naraziliq bildürgen.
Muxbirimiz shöhret hoshur
2010-09-04
Share

Namayishchilarning sani 100 etrapida bolup, bular shizang tébbiy uniwérsitétini xizmet tapalmighan ishsiz yashlar iken. Namayishta namayishchilarning köp qismi öz naraziliqini jim olturuwélish sheklide ipadiligen.

Namayishchilarni saqchilar qattiq nazaret astigha alghan we axirida erziyet ishxanisigha mejburi élip bérip erz - shikayitini anglighan. Namayishchilar erz - shikayitini bayan qilip bolghandin kéyin tarqilip ketken.

Radi'omiz muxbirining igilishiche, mezkur yashlar birqanche künning aldida, erziyet organlirigha özlirining xizmet tépishta kemsitishke uchrighanliqi heqqide erz sun'ghan. Erzige qana'etlinerlik jawab tapalmighandin kéyin, bu qétimqi namayishni uyushturghan.

Melum bolushiche, shizang hökümitining alaqidar organliri, bu namayishqa jiddiy köngül bölüp, weqeni chongaytiwetmeslikke tirishqan. Ötken yilqi 5 ‏ - iyul weqesidimu deslepte namayishchilar, xelq hökümiti aldida jim olturuwélish sheklide naraziliq bildürgen. Emma xitay terep shu qétim ularning telipige qulaq salmighanning üstige tutqun qilghan we zorawanliq qilghini üchün, namayish qanliq bir weqege aylinip ketken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet