Lxasada tibetlik yashlar namayish qilip, tibet milliy tibabetchilirige ayrilghan shtatni köpeytishni telep qildi

Tibet milliy tibabetchilik kespini püttürgen yüzdin artuq oqughuchilar ötken hepte aptonom rayonluq hökümet binasi aldida namayish qilip, xitay da'iriliridin tibet milliy tibabetchilik kespini püttürgen oqughuchilargha xizmet shtatini köpeytip bérishni telep qilghan.
Muxbirimiz erkin
2010-09-06
Share

Béyjingdiki tibet yazghuchiliridin wéysérning shexsi torida élan qilin'ghan bu heqtiki xewerdin melum bolushiche, namayish yüz bergendin kéyin, da'iriler qara we kök kiyimlik nurghun amanliq küchlirini yötkep kélip, qolida xitay dölet bayriqini kötürgen namayishchilarni qorshighan hem ularni hökümetning erziyet ishxanisigha mejburiy yötkep ketken.

Közetküchilerning eskertishiche, bu 2008‏ - yili lxasada namayish yüz bérip basturulghandin buyan, tibetlerning tunji qétim élip barghan kölimi bir qeder chongraq namayishliridin biri iken.

Xewerde, namayishchilar erziyet ishxanisigha élip bérilghandin kéyin, aptonom rayonluq hökümetning ishxana mudiri namayishchilar bilen körüshüp, ularning telipini anglighandin kéyin namayishchilarning tarqap ketkenlikini bildürdi.

Bezi analizchilar xitay da'irilirining lxasada namayish qilghan tibetlik oqughuchilar bilen körüshüp ularni tinch tarqitiwetken bolsimu, lékin da'irilerning ötken yili ürümchide namayish qilip, aptonom rayonluq partkom aldigha barghan Uyghurlargha pütünley bashqiche pozitsiye tutqanliqini, ular bilen körüshüshni ret qilip, Uyghur namayishchilarni basturghanliqini, bu Uyghur - xitay arisidiki toqunushni keltürüp chiqarghanliqini ilgiri sürmekte.
 
Xewerlerdin melum bolushiche, tibet aptonom rayonluq hökümet 31 - awghust küni höjjet chüshürüp, tibet milliy tibabetchilik kespini oqughan oqughuchilarning peqet 17 % ni xizmetke qobul qilishni qarar qilghan. Bu qarar milliy tibabetchilik kespini oqughan qalghan 83 % tibetlik yashning naraziliqini qozghap, yuqiriqi namayishni keltürüp chiqarghan.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet