May éyida xitayning siyasiy heriketliri ewjige chiqmaqchi

Uyghur élidiki xitay partkom katibat bashqarmisi bir nechche kün aldida, xitay partkomining 27 - nöwetlik milletler ittipaqliqi éyining pa'aliyet orunlashturushi heqqidiki uqturushni pütün Uyghur élidiki asasiy qatlamlargha tarqatqan.
Muxbirimiz gülchéhre
2009-04-28
Share

Mezkur uqturushtin ashkarilinishiche, xitay hökümiti teripidin milletler ittipaqliq éyi qilip békitilgen may éyida Uyghur éli miqyasida wetenni söyüsh, yurtni söyüsh, milletler ittipaqliqini söyüshni meqset qilghan siyasiy teshwiqat pa'aliyetlirini pa'al élip bérish pilanlan'ghan.

Xitay jumhuriyiti qurulghanliqining 60 yilliq toyining muqim we muweppeqiyetlik ötküzülüshige shara'it hazirlash teyyarliq heriketlirining biri süpitide élip bérilmaqchi bolghan bu nöwetlik may éyi siyasiy herikitide, xitay da'iriliri döletning ulughluqini untumasliq, partiyining ghemxorluqini untumasliq, milletler ittipaqliqining muqimliqini untumasliqtek, yenila muqimliqni qoghdash üchün milliy bölgünchilikke qarshi turush, aptonom rayon siyasitide tewrenmeslik teshwiqatigha da'ir konkrét pa'aliyet pilanliri tüzülgen.

Xitay da'iriliri xéli mezgillerdin buyan xitayning 60 yilliq toyining tinch ötüshi üchün yene, pütün Uyghur éli miqyasida muqimliqni saqlashni kücheytish heriketlirini jiddiy élip barmaqta idi.

Bügün b b s ning xewiride körsitilishiche, xitay da'iriliri may éyining 10 - künidin tartip memliket miqyasida yérim yilgha sozulghan jem'iyet amanliqini tüzesh herikiti élip barmaqchi bolup bumu 60 yilliq toyining teyyarliq herikiti iken.

Yeni xitay kéler aydin bashlap, xitay jem'iyiti ichide jinayet guruhlirigha qattiq zerbe bérish, rayon xaraktérlik siyasiy, kespiy jinayetlerge zerbe bérish qatarliq qattiq zerbe bérish herikitini élip barghandin sirt,chet'elliklerge wiza bérish cheklimilirini yenimu kücheytidiken.

Mezkur uchurlar may éyida xitayning omumiy weziyitining yenimu jiddiy siyasiy tüske kiridighanliqidin dérek béridiken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet