Korla bilen qaramay xitayda memliket boyiche medeniyetlik sheher bolup bahalandi

Melum bolushiche, xitay 2005-yildin bashlap, memliket boyiche medeniyetlik sheher, yéza we kentlerni bahalap mukapatlash pa'aliyiti élip bériwatqan bolup, bu yilliq bahalashta korla we qaramay shehiri medeniyetlik sheherler qatarida bahalinip mukapatlan'ghan.
Muxbirimiz shöhret hoshur
2011.12.23
Share on WhatsApp
Share on WhatsApp

Tengritagh torining bügünki bu heqtiki xewiride bayan qilinishiche, tünügün yeni 22-dékabir küni Uyghur rayonining partkom sékrétari jang chünshyen mukapatlan'ghan sheher we idarilerning wekillirini qobul qilip, ularni Uyghur rayonining tereqqiyati we muqimliqi üchün dawamliq hesse qoshushqa righbetlendürgen.

Qaramayda 1994-yili kinoxanigha ot kétish weqesi yüz bergen. Weqede hökümet rehberliri zaldin aldi bilen qéchip chiqip, weqede 323 nechche neper oqughuchi we ammining ölümige seweb bolghan. Qaramayda yene ikki ayning aldida oqughuchilar milliy toqunush weqesi yüz bérip 100 nechche kishi yarilan'ghan.

Toqunushta, Uyghur oqutquchilar we qiz oqughuchilar, xitay oqughuchilarning hujumigha uchrighan. Melum bolushiche, korla shehiride nöwette, Uyghurlarning sheherdin siqip chiqirilishi, xitay köchmenlirining sheherni omumyüzlük qaplap kétishi qatarliq siyasiy, ijtima'iy hadisiler seweblik, sheherde ikki millet arisidiki üch-adawet yüksek pellide turmaqta.

Dunya Uyghur qurultiyining bayanatchisi dilshat rishit, bügün bu heqte radi'omizgha bergen bayanatida xitayni “Saxta nam we sün'iy murasimlar arqiliq Uyghur rayonining milletler weziyitidiki jiddiychilikini yoshuruwatidu” dep eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.