Bokschi memet tursun iraqliq reqibini yéngip, musabiqide 4 küchlükler qatarigha kirdi

Tünügün u iraqliq reqibi murtezani 6ge qarshi 13 netije bilen yéngip, musabiqidiki aldinqi 4 küchlükning qatarigha kirgen. Xewelerde bildürülüshiche, birinchi meydan musabiqide reqibini 4:0 perqliq netije bilen yéngip aktip orun'gha ötken. 2 ‏-, we 3 ‏-meydanlarda gerche reqibi nomur jehettiki perqni bir az kichikletken bolsimu, emma axirqi netijide 6 ge qarshi 13 netije bilen memet tursun chong musabiqining ghalipi bolghan. Memet tursun chong musabiqining axirida muxbirlarning ziyaritini qobul qilghanda, musabiqe jeryanida öz maharitining peqet 70-80%ni ishqa salghanliqini bildürüp, kéyinki qétimliq musabiqidimu utup chiqishigha bolghan ishenchisini namayen qilghan.

Közetküchiler, yéqinqi yillardin béri xitayning siyasiy, iqtisadiy we eskiriy zerbilirige duch kelgen Uyghur xelqining bu xil musabiqilerdiki utuqlardin özlirining qelbige zor teselliy tapidighanliqini bildürmekte.