Хитай миллий ишлар комитети үрүмчи вәқәсидики чиқимларни елан қилип 'бу миллий мәсилә әмәс' дәп җакарлиди

Үрүмчи вәқәси йүз бәргәндин кейин, хитай һөкүмити бу вәқәни миллий туқунуш, дәп елан қилип келиватқан иди. Әмма бүгүн хитай миллий ишлар комитети үрүмчи вәқәсидики чиқимларға даир санлиқ мәлуматларни елан қилғандин кейинла бу миллий мәсилә әмәс, дәп җакарлиған.
Мухбиримиз вәли
2009.07.22

Хитайниң 'шинҗаң хәвәр тори' да баян қилишичә, хитайниң мәмликәтлик миллий ишлар комитетиниң муавин башлиқи ву симин елан қилған қилған баянатида, үрүмчидә йүз бәргән 'уруш, чеқиш, булаш вәқәси'дә 16 - числаға қәдәр 197 адәм өлди; 68 милйон 950 миң юәнлик қиммәткә игә мүлүккә зиян болди; 108 җәсәтниң кимлики ениқланди, буниң ичидики бигуна өлтүрүлгән 39 киши үчүн 8 милйон юән нәпиқә вә 560 миң юәндин дәпн қилиш пули берилди; вәқәдә өлтүрүлгән бигуна адәмләрниң һәммисигә 400 миң юәндин нәпиқә берилишкә башлиди, дәп җакарлиған .

Хитай миллий ишлар комитети бу баянатида йәнә, үрүмчи вәқәсини 1976 - йилидин бурун, йәни 1933 - йилида шәрқи түркистан ислам җумһурийити байриқи астида вәтәнни парчилаш башланғандин буян давамлишип келиватқан террорлуқ һәрикәтләрниң бири, дәп чүшәндүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.