مىسىردىكى نامايىشلار داۋاملاشماقتا

مىسىردىكى نامايىشلار بۈگۈن 6-كۈنىگە قەدەم قويغان بولۇپ، مىسىر پايتەختى قاھىرە شەھەر مەركىزىدىكى ئاساسلىق مەيدانلار نامايىشچىلار تەرىپىدىن ئىگىلەنگەن.
مۇخبىرىمىز ئۈمىدۋار
2011-01-30
Share

مىسىر پرېزىدېنتى مۇبارەك بىر قىسىم يۇقىرى دەرىجىلىك ھەربىي قوماندانلار بىلەن كۆرۈشكەن، ۋەزىيەت جىددىي ھالەتتە تۇرماقتا ئىكەن. ئەنگلىيە ب ب س ئاگېنتلىقىنىڭ خەۋەر قىلىشىچە، مىسىردىكى ئاساسلىق ئۆكتىچى سىياسىي پارتىيە "مۇسۇلمان قېرىنداشلار جەمئىيىتى" سابىق ب د ت ئاتوم ئورگىنىنىڭ مەسئۇلى، نوبېل مۇكاپاتىنىڭ ساھىبى ئەلبارادىنىڭ ئوتتۇرىغا چىقىپ، پرېزىدېنت مۇبارەك بىلەن ۋەزىيەت ھەققىدە سۆھبەت ئۆتكۈزۈشنى قوللىغان.

شەنبە كۈنى مۇبارەك ھۆكۈمەتنى تەرتىپكە سېلىپ، تۇنجى قېتىم بىر كىشىنى مۇئاۋىن پرېزىدېنتلىققا تەيىنلىگەن ھەمدە يېڭى باش مىنىستىر بېكىتكەن.

يەكشەنبە كۈنى ئامېرىكا مىسىردىكى ئامېرىكا پۇقرالىرىنى مىسىردىن چىقىپ كېتىشكە چاقىرغان.

ئۇنىڭدىن باشقا يەنە ئامېرىكا، ئەنگلىيە، فرانسىيە ۋە گېرمانىيە قاتارلىق غەرب دۆلەتلىرى مۇبارەككە بېسىم كۆرسىتىپ، ئۇنى ۋەزىيەتنىڭ تېخىمۇ ئېغىرلىشىپ كېتىشىدىن ساقلىنىشقا ھەمدە ئىسلاھات ۋەدىسىنى ئاقلاشقا چاقىرغان.

ئامېرىكا پرېزىدېنتى باراك ئوباما دۆلەت بىخەتەرلىك ئەمەلدارلىرى بىلەن مىسىر ۋەزىيىتىنى مۇزاكىرە قىلىپ، ئاق ساراينىڭ مىسىردىكى ھەر قايسى تەرەپلەرنىڭ ئۆزلىرىنى تۇتۇۋېلىشى، كىشىلىك ھوقۇقنى ئومۇملاشتۇرۇش ۋە مىسىر ھۆكۈمىتىنىڭ سىياسىي ئىسلاھاتنى ئەمەلىيلەشتۈرۈشنى ئۈمىد قىلىدىغانلىقىنى بىلدۈرگەن.

تۈركىيە ھۆكۈمىتى ئايروپىلان ئاجرىتىپ ئوز پۇقرالىرىنى مىسىردىن ئېلىپ كېتىشكە باشلىغان.

ئالتە كۈنلۈك نامايىش جەريانىدا 100 دىن ئارتۇق ئادەم ئۆلگەن، بىر قانچە مىڭ كىشى يارىدار بولغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت