Misirdiki namayishlar dawamlashmaqta

Misirdiki namayishlar bügün 6-künige qedem qoyghan bolup, misir paytexti qahire sheher merkizidiki asasliq meydanlar namayishchilar teripidin igilen'gen.
Muxbirimiz ümidwar
2011-01-30
Share

Misir prézidénti mubarek bir qisim yuqiri derijilik herbiy qomandanlar bilen körüshken, weziyet jiddiy halette turmaqta iken. En'gliye b b s agéntliqining xewer qilishiche, misirdiki asasliq öktichi siyasiy partiye "musulman qérindashlar jem'iyiti" sabiq b d t atom orginining mes'uli, nobél mukapatining sahibi elbaradining otturigha chiqip, prézidént mubarek bilen weziyet heqqide söhbet ötküzüshni qollighan.

Shenbe küni mubarek hökümetni tertipke sélip, tunji qétim bir kishini mu'awin prézidéntliqqa teyinligen hemde yéngi bash ministir békitken.

Yekshenbe küni amérika misirdiki amérika puqralirini misirdin chiqip kétishke chaqirghan.

Uningdin bashqa yene amérika, en'gliye, fransiye we gérmaniye qatarliq gherb döletliri mubarekke bésim körsitip, uni weziyetning téximu éghirliship kétishidin saqlinishqa hemde islahat wedisini aqlashqa chaqirghan.

Amérika prézidénti barak obama dölet bixeterlik emeldarliri bilen misir weziyitini muzakire qilip, aq sarayning misirdiki her qaysi tereplerning özlirini tutuwélishi, kishilik hoquqni omumlashturush we misir hökümitining siyasiy islahatni emeliyleshtürüshni ümid qilidighanliqini bildürgen.

Türkiye hökümiti ayropilan ajritip oz puqralirini misirdin élip kétishke bashlighan.

Alte künlük namayish jeryanida 100 din artuq adem ölgen, bir qanche ming kishi yaridar bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet