Xitay da'iriliri mongghul pa'aliyetchisi xadani qoyup bérishtin ilgiri uning ayalini tutup ketken

Xadaning oghli wéy lési ning shenbe küni birleshme agéntliqigha bildürüshiche, ötken jüme küni 10 dek xitay saqchisi kitabxanigha basturup kirip, hésabat deptiri we kompyutérni musadire qilghan we xadaning ayali shinanimu tutup ketken.

Ichki mongghulluq pa'aliyetchi xada mongghul öktichi herikitining bashlamchisi bolup, u jenubi mongghuliye démokratik ittipaqini qurushqa qatnashqan.

Xada 1996- yili, bölgünchilik we jasusluq jinayiti bilen eyiblinip, 15 yilliq qamaq jazasigha höküm qilin'ghan.

Xada türmige tashlan'ghandin buyan, xadaning ayali shina yoldishining ehwali we u, türmide yoluquwatqan mu'amililer heqqide xelq'ara metbu'atlargha köp qétim melumat bergen idi.

Xewerde körsitishiche, bu nöwetlik heriketni ichki mongghul paytexti xuxot shehiri seyxen rayonluq saqchixana élip barghan bolup, saqchi da'iriliri bu heqte toxtilishni ret qilghan