Moskwa ayrodromida özini öltürüwélish xaraktérlik partlitish hujumi meydan'gha keldi

Rusiyining paytexti moskwadiki domodé dowo ayrodromida özini öltürüwélish xaraktérlik partlitish hujumi meydan'gha keldi. Weqede eng az dégende 35 kishining ölgenliki, 130 din artuq kishining yarilan'ghanliqi ilgiri sürülmekte.
Muxbirimiz irade
2011-01-24
Share

B b s ning xewer qilishiche, partlash ayrodromning kelgen yoluchilar qismida yüz bergen bolup, weqeni kafkaziyiliq pida'iylarning sadir qilghanliqi heqqide yuqiri éhtimal bérilmekte. Weqedin kéyin rusiye prézidénti médwédéw yaptext moskwada bixeterlik tedbirlirini kücheytish heqqide telimat bergen, u jawabkarlarning qattiq jazagha tartilidighanliqini éytqan. 

Domodé dowo ayrodromi moskwadiki eng chong ayrodromlarning biri bolup, eyni waqitta nurghun yoluchi resmiyet béjiriwatqan iken. Weqeni körgüchiler partlashning intayin shiddetlik bolghanliqini, ayrodromni qélin bir qewet is-tütek qaplap ketkenlikini éytqan.

Moskwada bultur 3- aydimu özini öltürüwélish xaraktérlik partlitish hujumi yüz bergen. Ikki neper daghistanliq ayalning moskwa yer asti poyizida élip barghan shu qétimliq özini öltürüwélish xaraktérlik hujumida 40 tin artuq kishi hayatidin ayrilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet