Moskwada kommunistlar keng kölemde namayish qildi
Muxbirimiz ümidwar
2011.12.18
2011.12.18
Rusiyining “Néwsru” uchur torining yézishiche, namayishchlar qollirida sabiq sowét ittipaqi we hazirqi rusiye fédératsiyisininh bayraqliri hetta sabiq kommunist rehberliridin stalin we hazirqi kommunist rehbiri ziyuganof qatarliqlarlarning chong süretlirini kötürgen.
Rusiye kommunistliri hazirqi rehberlik qatlimini qattiq eyibligen hemde qayta saylam ötküzüshni telep qilghan.
Buningdin bir kün ilgiri rusiye kommunistlar partiyisi qurultay chaqirip, özlirining dahiysi génnadiy ziyuganofni 2012 - yilliq president namzati qilip békitken. Démek, rusiye kommunistliri kéler yili rusiyining aliy hoquqini talishidighanliqini jakarlighan.
Bu qétimqi saylamda rusiye kompartiyisi putinning rusiye birliki partiyisdi'in kéyinla ikkinchi orunni igiligen bolsimu, emma kommunistlar özlirining awazining buningdin yuqiri ikenlikige ishinidiken.
Sabiq sowét ittipaqi yimirilgende rusiye prézidénti boris yéltsin kompartiyini qanunsiz dep jakarlighan idi, lékin, kéyin démokratiye prinsipliri bilen rusiye kompartiyisining heriket qilishigha hemde parlaméntqa qatnishishigha ruxset qilghan idi.
Biraq, rusiye kompartiyisi bügünki künde sabiq sowét ittipaqi dewridin eship qalghan bir qisim kona kommunistlarni hésabqa almighanda, yashlar we yéngi ewladlarning qollishigha érishelmigen bolup, asasliqi chong yashtiki, iqtisadi we pénsiye shara'itliri nachar, hazirqi yéngiche baza'ar igiliki hem gherblishiwatqan medeniyet sistemisini xalimighan, kona sowét idiyisidiki ademler arisida qollighuchilargha ige. Putin'gha qarshi bir qisim öktichi partiye guruhlar yenila bu kommunistlar bilen hemkarlishishni xalimaydiken.