'Муһәббәтниң он шәрти' намлиқ һөҗҗәтлик филим америкида тунҗи қетим көрситилмәкчи

Җорҗийә штати атланта шәһиридә өткүзүлидиған филим фестивалиға рабийә қадир ханимниң һаяти паалийити баш тема қилинған "муһәббәтниң он шәрти" намлиқ һөҗҗәтлик филимму қатнаштурулди.
Мухбиримиз җүмә
2010.04.19

Уйғур миллий һәрикити йетәкчиси рабийә қадир ханим атлантада ечилидиған филим фестивалиға қатнишиш учун йүрүп кәтти.

Бу, "муһәббәтниң он шәрти" намлиқ һөҗҗәтлик филимниң тунҗи қетим америкида көрситилиши болуп һесаблиниду.

Филим фестивалиға аит учурлардин мәлум болушичә, "муһәббәтниң он шәрти" 19 ‏- апрел кәчқурун атланта шәһиридики "мидтовн бәдиий филимләр киноханиси"да қоюлидикән.

Мәлум болушичә, фестивал тәшкиллигүчилири филим көрситилип болғандин кейин рабийә қадир ханим билән сөһбәт вә филим һәққидә CNN қатарлиқ ахбарат васитилиридә мәхсус зиярәт уюштурушқа тиришчанлиқ көрсәтмәктә икән.

19 - Апрел әтигәндә дуня уйғур қурултийи рәиси рабийә қадир ханим атланта шәһиригә йетип кәлди. Атланта филим фестивалиға қоюлған барлиқ филимләр мәзкур шәһәрдики мидтовн киноханисида көрситилидикән.

"Муһәббәтниң он шәрти" бултур күздә австралийидә өткүзүлгән мелбурн филим фестивалиға қуюлған вә рабийә ханимниң мәзкур фестивалға тәклип қилиниши австралийә ‏ - хитай мунасивәтлиридә соғуқчилиқ пәйда қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.