'Муһәббәтниң 10 шәрти' америкида өткүзүлидиған 'тағ филим фестивали' да қоюлиду

Баш штаби америкиниң колорадо штатиниң тәллурид шәһиригә җайлашқан "тағ филим фестивали" гуруһи бир мустәқил филим фестивали болуп, бу йил 32 - йилиға қәдәм қойди.

Фестивал тор бетидә көрситишичә, фестивал мушу айниң 28 - күнидин 31 - күнигичә 4 күн давам қилидикән. "Муһәббәтниң он шәрти" 28 - май вә 31 - май күнлири 2 қетим көрситилидикән.

Фестивал тәшкиллигүчи кино бурнс, мәзкур филим фестивалида пәқәт дунядики диққәт қилишқа тегишлик вәқә вә шәхсләргә аит ишләнгән әһмийәтлик филимләр көрситилидиғанлиқини билдүргән.

"Муһәббәтниң он шәрти" намлиқ һөҗҗәтлик филим, 2009 - йили тунҗи қетим австралийидә өткүзүлгән мелбурн хәлқара филим фестивалиға қоюлған вә австралийә - хитай мунасивәтлиридә соғуқчилиқ пәйда қилған иди.

"Муһәббәтниң он шәрти" йәнә тәйвәндә елип берилған "гавшюң филим фестивали" вә америкиниң атланта шәһиридә ечилған филим фестиваллирида қоюлған иди.