Ислам кәримоф алумутида өткүзүлгән мустәқил дөләтләр һәмдостлуқиниң йиғиниға кәлмиди

Шәнбә күни қазақистанниң алмута шәһиридә мустәқил дөләтләр һәмдостлуқиға әза дөләтләрләрниң президентлириниң ғәйри рәсмий йиғини ечилған.
Мухбиримиз вәли
2009-12-20
Share

Йиғинда, русийә президенти дмитрий медведеф, қазақистан президенти нурсултан назарбайеф, түркмәнистан президенти гурбангул бәрдимуһәммәдоф, қирғизистан президенти қурманбек бақийеф, таҗикистан президенти емам әлирахман һәмдә белорусийә президенти александир лукашенко қатарлиқлар явро - асия иқтисадий ортақ гәвдисиниң буниңдин кейинки һәмкарлиқлирини техиму чоңқурлаштуруш һәм башқа бир қатар мәсилиләрни музакирә қилған.

Русийиниң хәвәрләр агентлиқиниң бу һәқтики хәвиридә ейтилишичә, дәсләпки қәдәмдә русийә, беларусийә вә қазақистандин ибарәт үч дөләт 2012 - йили, январғичә болған арилиқта бирликкә кәлгән иқтисадий бошлуқ һасил қилишқа пүтүшкән болуп, бундақ бирликкә кәлгән иқтисадий системини һасил қилиш пиланини 12 ай ичидә тәйярлап болуш вә келәр айдин башлап, дөләтләр арисидики тамоҗна беҗини йеңидин бекитиш һәмдә иккинчи қәдәмдә тамоҗнини бирликкә кәлтүрүшни әмәлгә ашуруш бәлгиләнгән. Қирғизистанму мәзкур иқтисадий бошлуққа қошулидиғанлиқини җакарлиған.

Явро - асия иқтисадий ортақ гәвдиси оттура асия дөләтлири билән русийә арисида бирликкә кәлгән тамоҗна системиси һәмдә иқтисадий система бәрпа қилиш, шундақла өзара чегрилирини ечип, пуқраларниң әркин - берип келишини әмәлгә ашуруш қатарлиқларни пилан қилған,

Бирақ бир қисим мутәхәссисләр мәзкур иқтисадий шәкилдики бир гәвдигә айлинишниң оттура асия дөләтлириниң қайтидин русийиниң һамийлиқиға өтүшини кәлтүрүп чиқириши мумкинликини оттуриға қоюшмақта.

Өзбекистан президенти ислам кәримофниң бу сәвәбтинму яки вә башқа сәвәбләрдинму йиғинға кәлмигәнликиниң сәвәпи һәққидә учур йоқ. Нөвәттә, русийә билән оттура асия дөләтлири арисида һәрбий иттипақ күнсайин күчәймәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт