ناتو ئەزالىرىنىڭ دۆلەتلەر مۇداپىئە مىنىستىرلىرى يىغىنى ئىستانبۇلدا ئېچىلدى

شىمالىي ئاتلانتىك ئەھدى تەشكىلاتى "ناتو" غا ئەزا دۆلەتلەرنىڭ مۇداپىئە مىنىستىرلىرى غەيرى رەسمىي يىغىنى ئىستانبۇلدا ئاياغلاشتى. يىغىندا ئافغانىستان مەسىلىسى ئەتراپلىق مۇزاكىرە قىلىندى ۋە ئافغانىستاندىكى تالىبان كۈچلىرىنىڭ ھۇجۇملىرىغا قارشى تۇرۇش ۋە ئەسكەر چىقىملىرىنى ئەڭ تۆۋەن سەۋىيىگە چۈشۈرۈش ئۈچۈن تېخىمۇ يۇقىرى تېخنىكىغا ئىگە تانكىلار ۋە تىك ئۇچار ئىشلىتىش مۇزاكىرە قىلىندى.
مۇخبىرىمىز ﺋﯩﺮﺍﺩﻩ
2010-02-05
Share

يىغىنغا قاتناشقان ئامېرىكا مۇداپىئە مىنىستىرى روبېرت گېيتىس ئامېرىكىنىڭ ناتو قىسىملىرىنى يۇقىرى تېخنىكىلىق ھەربىي ئەسلىھەلەر بىلەن تەمىنلەيدىغانلىقىنى ۋەدە قىلدى.

ئامېرىكا پرېزىدېنتى باراك ئوباما ئافغان ئۇرۇشىدا غەلىبە قىلىش ئۈچۈن ئافغانىستانغا يەنە 30 مىڭ ئەسكەر ئەۋەتىدىغانلىقىنى بىلدۈرگەن، باشقا ناتو دۆلەتلىرىمۇ يەنە 9 مىڭ ئەسكەر ئەۋەتىدىغان بولغان.

باراك ئوباما يەنە 2011 - يىلىدىن ئېتىبارەن ئافغانىستاندىن ئەسكەر چېكىندۈرۈشكە باشلايدىغانلىقىنى ئىپادە قىلغان ئىدى. ئەمما ناتو رەئىسى ئاندىرېس رامۇسسېن ئافغانىستاندا ۋەزىپىسىنى تاماملىغۇچە قالىدىغانلىقىنى بىلدۈرۈپ: "بىزنىڭ ئافغانىستان ئۇرۇشىدا غەلىبە قىلىش نىشانىمىز قەتئىي. بىز ئافغانىستاندا ۋەزىپىمىزنى ئادا قىلغۇچە داۋام قىلىمىز، ئەمما بۇنىڭ 2011 - يىلى بولۇشى ناتايىن،" دېدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت