Сибирийидики бир нефит айриш завутида йүз бәргән партлашта 5 хитай өлгәнлики илгири сүрүлмәктә

Русийиниң сибирийә райониға хитайлар мәбләғ селип қурған бир нефит айриш завутида йүз бәргән партлашта 5 хитай өлгәнлики илгири сүрүлмәктә.
Мухбиримиз җүмә
2010.12.27

Нефит айриш завути забаикалскй райониниң даврия йезисиға җайлашқан болуп, шинхуа агентлиқида көрситишичә, завут мәзкур райондики май баһасини төвәнлитиш үчүн хитайдин мәбләғ әкирип қурулған икән.

Хәвәрләргә қариғанда, партлаш йүз бәргәндә завутта 18 адәм ишләватқан болуп, өлгәнләрниң һәммисиниң хитай икәнлики илгири сүрүлгән.

Партлашта 2000 тонна йеқилғу қачиланған амбарға от кәткән. Отни дәсләптә өчүрүш имканийити болмиғачқа, йеза аһалиси бихәтәр җайларға көчүрүлгән.

Франсийә агентлиқиниң нәқил қилишичә, русийә ахбарати йәрлик һөкүмәт хадимлириниң "партлаш мәркизидә ишләватқан бәш хитай пуқрасиниң һәммиси өлгән болуши мумкин" дегәнликини хәвәр қилған. Шинхуа агентлиқи партлашта бир адәм өлгәнликини хәвәр қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.