Sibiriyidiki bir néfit ayrish zawutida yüz bergen partlashta 5 xitay ölgenliki ilgiri sürülmekte

Rusiyining sibiriye rayonigha xitaylar meblegh sélip qurghan bir néfit ayrish zawutida yüz bergen partlashta 5 xitay ölgenliki ilgiri sürülmekte.
Muxbirimiz jüme
2010.12.27

Néfit ayrish zawuti zaba'ikalsky rayonining dawriya yézisigha jaylashqan bolup, shinxu'a agéntliqida körsitishiche, zawut mezkur rayondiki may bahasini töwenlitish üchün xitaydin meblegh ekirip qurulghan iken.

Xewerlerge qarighanda, partlash yüz bergende zawutta 18 adem ishlewatqan bolup, ölgenlerning hemmisining xitay ikenliki ilgiri sürülgen.

Partlashta 2000 tonna yéqilghu qachilan'ghan ambargha ot ketken. Otni deslepte öchürüsh imkaniyiti bolmighachqa, yéza ahalisi bixeter jaylargha köchürülgen.

Fransiye agéntliqining neqil qilishiche, rusiye axbarati yerlik hökümet xadimlirining "partlash merkizide ishlewatqan besh xitay puqrasining hemmisi ölgen bolushi mumkin" dégenlikini xewer qilghan. Shinxu'a agéntliqi partlashta bir adem ölgenlikini xewer qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.