نەنسى پېلوسى: بىز خىتاي تۈرمىسىدىكى سىياسىي مەھبۇسلارنى ئۇنتۇپ قالمايمىز

ئامېرىكا ئاۋام پالاتاسىنىڭ رەئىسى نەنسى پەلۇسى خانىم پەيشەنبە كۈنى چاقىرغان مۇخبىرلارنى كۈتۈۋېلىش يىغىنىدا ئامېرىكا - خىتاي دىپلوماتىك مۇناسىۋەت ئورناتقانلىقىنىڭ 30 يىللىقىغا باھا بېرىپ، خىتايدا كىشىلىك ھوقۇقنى داۋاملىق ئىلگىرى سۈرىدىغانلىقىنى بىلدۈردى.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
2009-01-09
Share

نەنسى پەلۇسى خانىم مۇنداق دەيدۇ": مەن جۇڭگونىڭ كىشىلىك ھوقۇق ئەھۋالىدىن ئەندىشە قىلىمەن. 20 يىلغا يېقىن ۋاقىتتىن بېرى دۆلەت مەجلىسىدە كىشىلىك ھوقۇقنى تەشەببۇس قىلىپ كەلدىم. مەن كىشىلىك ھوقۇق مەسىلىسى دائىم سودا مەنپەئەتىنى بېسىپ چۈشەلمەيدىغانلىقىنى بىلىمەن. لېكىن بىز بۇنىڭلىق بىلەن تىرىشچانلىقىمىزنى توختاتماسلىقىمىز كېرەك."

 پەلۇسى بۇ سۆزلەرنى ئىككى تەرەپ بېيجىڭدا خىتاي - ئامېرىكا دىپلوماتىك مۇناسىۋەت ئورناتقانلىقىنىڭ 30 يىللىقىنى خاتىرىلەۋاتقان مەزگىلدە تەكىتلىگەن بولۇپ، ئۇ يەنە " بىز خىتاي تۈرمىسىدىكى سىياسىي مەھبۇسلار ئۈچۈن داۋاملىق سۆزلەيمىز. ئۇلار بىزنىڭ ئۇلارنى ئۇنتۇمايدىغانلىقىمىزنى بىلىپ قېلىشى كېرەك."

بېيجىڭدا ئۆتكۈزۈلگەن خىتاي - ئامېرىكا دىپلوماتىك مۇناسىۋەت ئورناتقانلىقىنىڭ 30 يىللىقىنى خاتىرىلەش پائالىيىتىگە ئامېرىكا مۇئاۋىن تاشقى ئىشلار مىنىستىرى جون نېگرىپونتى قاتناشقان ئىدى. ئۇ خىتايغا قاراپ يولغا چىقىشتىن بۇرۇن، ئامېرىكا ئاۋام پالاتاسىنىڭ كرىستوفىر سىمىت، فرانك ۋولف قاتارلىق 8 نەپەر ئەزاسى ئۇنىڭغا خەت يېزىپ، خىتاي دائىرىلىرىگە كىشىلىك ھوقۇق، دىنىي ئەركىنلىك، قانۇن بىلەن باشقۇرۇش قاتارلىق مەسىلىلەرنى ئەسكەرتىشنى تەلەپ قىلغان.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت