Нәнси пелоси: биз хитай түрмисидики сиясий мәһбусларни унтуп қалмаймиз

Нәнси пәлуси ханим мундақ дәйду": мән җуңгониң кишилик һоқуқ әһвалидин әндишә қилимән. 20 Йилға йеқин вақиттин бери дөләт мәҗлисидә кишилик һоқуқни тәшәббус қилип кәлдим. Мән кишилик һоқуқ мәсилиси даим сода мәнпәәтини бесип чүшәлмәйдиғанлиқини билимән. Лекин биз буниңлиқ билән тиришчанлиқимизни тохтатмаслиқимиз керәк."

 Пәлуси бу сөзләрни икки тәрәп бейҗиңда хитай - америка дипломатик мунасивәт орнатқанлиқиниң 30 йиллиқини хатириләватқан мәзгилдә тәкитлигән болуп, у йәнә " биз хитай түрмисидики сиясий мәһбуслар үчүн давамлиқ сөзләймиз. Улар бизниң уларни унтумайдиғанлиқимизни билип қелиши керәк."

Бейҗиңда өткүзүлгән хитай - америка дипломатик мунасивәт орнатқанлиқиниң 30 йиллиқини хатириләш паалийитигә америка муавин ташқи ишлар министири җон негрипонти қатнашқан иди. У хитайға қарап йолға чиқиштин бурун, америка авам палатасиниң кристофир симит, франк волф қатарлиқ 8 нәпәр әзаси униңға хәт йезип, хитай даирилиригә кишилик һоқуқ, диний әркинлик, қанун билән башқуруш қатарлиқ мәсилиләрни әскәртишни тәләп қилған.