Nensi pélosi: biz xitay türmisidiki siyasiy mehbuslarni untup qalmaymiz

Amérika awam palatasining re'isi nensi pelusi xanim peyshenbe küni chaqirghan muxbirlarni kütüwélish yighinida amérika - xitay diplomatik munasiwet ornatqanliqining 30 yilliqigha baha bérip, xitayda kishilik hoquqni dawamliq ilgiri süridighanliqini bildürdi.
Muxbirimiz erkin
2009-01-09
Élxet
Pikir
Share
Print

Nensi pelusi xanim mundaq deydu": men junggoning kishilik hoquq ehwalidin endishe qilimen. 20 Yilgha yéqin waqittin béri dölet mejliside kishilik hoquqni teshebbus qilip keldim. Men kishilik hoquq mesilisi da'im soda menpe'etini bésip chüshelmeydighanliqini bilimen. Lékin biz buningliq bilen tirishchanliqimizni toxtatmasliqimiz kérek."

 Pelusi bu sözlerni ikki terep béyjingda xitay - amérika diplomatik munasiwet ornatqanliqining 30 yilliqini xatirilewatqan mezgilde tekitligen bolup, u yene " biz xitay türmisidiki siyasiy mehbuslar üchün dawamliq sözleymiz. Ular bizning ularni untumaydighanliqimizni bilip qélishi kérek."

Béyjingda ötküzülgen xitay - amérika diplomatik munasiwet ornatqanliqining 30 yilliqini xatirilesh pa'aliyitige amérika mu'awin tashqi ishlar ministiri jon négriponti qatnashqan idi. U xitaygha qarap yolgha chiqishtin burun, amérika awam palatasining kristofir simit, frank wolf qatarliq 8 neper ezasi uninggha xet yézip, xitay da'irilirige kishilik hoquq, diniy erkinlik, qanun bilen bashqurush qatarliq mesililerni eskertishni telep qilghan.


Toluq bet