نەنسىي پېلوسى خىتايدىكى كىشىلىك ھوقۇق مەسىلىسى ھەققىدە توختالمىدى

25 - ماي دۈشەنبە كۈنى، خىتاينىڭ شاڭخەي شەھىرىدە زىيارەتتە بولغان ئامېرىكا ئاۋام پالاتا رەئىسى نەنسىي پېلوسى خانىم، خىتايدىكى كىشىلىك ھوقۇق مەسىلىسى ھەققىدە توختالمىغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009-05-25
Share

ئامېرىكا ئاۋام پالاتا رەئىسى نەنسىي پېلوسى خانىم، خىتايدىكى كىشىلىك ھوقۇق دەپسەندىچىلىكلىرىگە ئەڭ كۆڭۈل بۆلۈپ كېلىۋاتقان دۆلەت رەھبەرلىرىدىن بىرى بولۇپ، ئۇ 1991 - يىلىدىكى خىتاي زىيارىتى جەريانىدا " خىتايدىكى دېموكراتىيە ئۈچۈن قۇربان بولغانلارغا تەقدىم" دېگەن خەتلەر يېزىلغان بايراقنى ئاچقان ئىدى.

بىرلەشمە ئاگېنتلىقىدا كۆرسىتىشىچە، نەنسىي پېلوسىنىڭ بۇ نۆۋەتلىك خىتاي زىيارىتى جەريانىدا، خىتايدىكى كىشىلىك ھوقۇق مەسىلىلىرىنى ئوتتۇرىغا قويماسلىقى، پرېزىدېنت ئوبامانىڭ خىتاي مۇناسىۋەتلىرىنى ئىلگىرى سۈرۈش سىياسىتىگە جىپسىلاشقانلىقى ئىكەن.

ئوباما ھۆكۈمىتىنىڭ خىتايغا قاراتقان كىشىلىك ھوقۇق سىياسىتى، كىشىلىك ھوقۇق جەمئىيەتلىرىنىڭ نارازىلىقىغا ئۇچراپ كېلىۋاتقان بولۇپ، بۇ يىل باھاردا خىتايدا زىيارەتتە بولغان تاشقى ئىشلار مىنىستىرى ھىلارىي كلىنتون خانىممۇ كىشىلىك ھوقۇق مەسىلىسى ھەققىدە توختىلىشتىن ئۆزىنى قاچۇرغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت