Нәнсий пелоси хитайдики кишилик һоқуқ мәсилиси һәққидә тохталмиди

25 - Май дүшәнбә күни, хитайниң шаңхәй шәһиридә зиярәттә болған америка авам палата рәиси нәнсий пелоси ханим, хитайдики кишилик һоқуқ мәсилиси һәққидә тохталмиған.
Мухбиримиз җүмә
2009-05-25
Share

Америка авам палата рәиси нәнсий пелоси ханим, хитайдики кишилик һоқуқ дәпсәндичиликлиригә әң көңүл бөлүп келиватқан дөләт рәһбәрлиридин бири болуп, у 1991 - йилидики хитай зиярити җәрянида " хитайдики демократийә үчүн қурбан болғанларға тәқдим" дегән хәтләр йезилған байрақни ачқан иди.

Бирләшмә агентлиқида көрситишичә, нәнсий пелосиниң бу нөвәтлик хитай зиярити җәрянида, хитайдики кишилик һоқуқ мәсилилирини оттуриға қоймаслиқи, президент обаманиң хитай мунасивәтлирини илгири сүрүш сияситигә җипсилашқанлиқи икән.

Обама һөкүмитиниң хитайға қаратқан кишилик һоқуқ сиясити, кишилик һоқуқ җәмийәтлириниң наразилиқиға учрап келиватқан болуп, бу йил баһарда хитайда зиярәттә болған ташқи ишлар министири һиларий клинтон ханимму кишилик һоқуқ мәсилиси һәққидә тохтилиштин өзини қачурған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт