Lyu shawboning ikki qérindishi, nobil mukapatini qobul qilishqa bérishni xalaydighanliqini bildürdi

Fransiye axbarat agéntliqining bügünki yene bir xewiride lyu shawboning ayali lyu shya, hazirqi ehwalda yoldishining we özining mukapat murasimigha qatnishishigha ruxset bérilishidin ümid azliqini bildürgen. U yene, lyu shawboning, dostlirining bu tarixiy murasimgha qatniship mukapatni qobul qilishini arzu qilidighanliqigha ishinidighanliqini bildürgen.

Xewerde bildürülüshiche lyu sha, bu heqte mexsus bir ochuq xet élan qilip, lyu shawboning bir qisim dostlirini yoldishigha wakaliten bu tarixiy murasimgha qatnishishqa we we mukapatni qobul qilishqa dewet qilghan.

Ochuq xette mukapatni qobul qilish üchün ismi tilgha élin'ghanlar arisida sabiq bash ministir jaw zéyangning bash katipi baw tung, lyu shawboning adwokatliridin shang bawjün qatarliq bir qanche kishi bar bolup, lyu sha ochuq xétide eger bu kishiler mukapatni qobul qilsa, lyu shawboning buninggha razi bolidighanliqigha ishinidighanliqini bildürgen.