Нобил комитети: мукапат мурасими әслидә бәлгиләнгән вақитта өткүзүлиду

Америка авазиниң баян қилишичә, нобил мукапати комитетиниң мәсули бүгүн 'лю шавбо яки униң вәкили мукапат тарқитиш мурасимиға келәлисиму, келәлмисиму, нобил мукапати мурасими әслидики бәлгиләнгән вақитта өткүзүлүвериду' дәп җакарлиди.
Мухбиримиз вәли
2010-10-13
Share

Шундақла у йәнә, буйилқи нобил тинчлиқ мукапатиниң лю шавбоға берилгәнлики , хитайниң норвегийә билән болған дөләт мунасивитигә тақишип қалғанлиқиға рази болмиғанлиқини ипадилиди.

Лю шавбониң ханими бүгүн интернеттики тивиттер тор понкити арқилиқ франсийә агентлиқиға, хитай һөкүмити һазир униң туралғусини қанунсиз түрмигә айландурувалғанлиқиға, һәтта яшанған аписи биләнму телефонда алақә қилишиға кашила қиливатқанлиқиға наразилиқ билдүргән.

Хитай ташқи ишлар министирлиқиниң баянатчиси ма җавшү бүгүн ' нобил комитетиниң 2010‏ - йиллиқ нобил тинчлиқ мукапатини түрмидә җазалиниватқан бир җинайәтчигә бәргәнлики хитайниң қануниға һүрмәт қилмиғанлиқ' дәп җакарлиған иди.

Хәвәр архиплириға қариғанда, нобил комитети 2010‏ - йиллиқ нобил тинчлиқ мукапатини хитай түрмисидики сиясий мәһбус лю шавбоға бәргәнликини елан қилғандин кейин, америка, германийә, франсийә, японийә, канада, явропа бирлики, бирләшкән дөләтләр тәшкилати қатарлиқ дөләт вә тәшкилатларниң вәкиллири, далай лама, хавел, туту қатарлиқ мәшһур әрбаблар, демократик тәшәббус оттуриға қойғанлиқи үчүн хитай һөкүмити тәрипидин 11 йиллиқ қамақ җазасиға һөкүм қилинған сиясий мәһбус лю шавбониң бу йилқи тинчлиқ мукапатиға еришкәнлигини қизғин тәбриклиди.

Бирләшкән дөләтләр тәшкилатиниң 4 нәпәр қанун мутәхәссисиму, йәни пикир әркинликини қоғдаш мутәхәссиси франк лару, кишилик һоқуқ комитетиниң мутәхәссиси маргрит сегагия, қанун мустәқиллиқи мутәхәссиси гарберила кнавл қатарлиқ кишиләр хитай һөкүмитини, лю шавбони дәрһал түрмидин қоюп беришкә чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт