Orwégiye paytexti osloda shiddetlik partlash we hujum weqesi yüz bérip, nurghun adem ölgen

Xewerlerde néfit ministirliqi binasining éghir weyranchiliqqa uchrap, binagha ot ketkenliki, bash ministirliq we uning etrapidiki binalarning qismen ziyan'gha uchrighanliqi ilgiri sürüldi. Lékin saqchi terep bash ministir stolténbérg we uning ishxanisidiki xadimlarning aman-isenlikini bildürgen.

Norwégiye saqchi orgini partlighan nersining bir bomba ikenliki we bombining bir aptomobilgha orunlashturulghan bolushi mumkinlikini eskertip, weqening térrorluq hujum bolush éhtimali küchlük ikenlikini tekitligen.

Shu küni bomba partlap bir qanche sa'ettin kéyin, saqchi kiyimi kiyiwalghan bir kishi hakimiyet béshidiki ishchilar partiyisi uyushturghan yazliq lagérdiki yashlargha oq chiqirip, az dégende 4 adem ölgen. Bash ministir stolténbérg weziyet “Éghir ehwalda” dep körsetken.

Amérika weqeni “Rezillik” dep tenqid qildi. Yawropa ittipaqi prézidénti hérman fon rumpuy “Namertlik” dep eyibligen. Lékin partlash weqesi bilen utoyya arilidiki yashlar lagirini oqqa tutush weqesi arisida alaqe bar-yoqluqi melum emes.

Saqchi terep ikki weqening öz-ara baghlinishi barliqigha ishinidiken. Lékin norwégiye dölet ishlar ministiri xens kristyan amundsén, weqening kim teripidin élip bérilghanliqigha qarita “Guman bilen heriket qilmaydighanliqi” ni bildürgen.