Norwégiyide 77 ademning jénigha zamin bolghan qatilning sotta özini aqlishi inkas qozghidi

Norwégiyide bultur yüz bergen 77 ademning ölüshige seweb bolghan jinayet gumandari andérs bréiwikning, bu yil 16-aprél küni oslo shehiride échilghan sotta özini aqlishi metbu'atlarda inkas qozghidi. Sotta özini aqlighan andérs bréiwik özining 77 ademni öltürgenlikini, emma buni “Yerlik medeniyetni qoghdash üchün élip barghan heqqaniy heriket” dep qaraydighanliqini shunga özining norwégiye sotini étirap qilmaydighanliqini bildürgen.
Muxbirimiz méhriban
2012.04.17

Bultur 22-iyul küni norwégiyide yüz bergen yashlar hem balilar bolup, köchmenlerdin 77 ademning qirghin qilinishi xelq'arada jiddiy munazire qozghighan bolup, dunya jama'iti norwégiye sotining qatilgha qandaq jaza béridighanliqini közitip kelmekte.

Ilgiriki birqanche qétimliq sotta andérs bréiwik öz qilmishining jinayet emeslikini köp qétim bildürgen bolup, doxturlar uningda rohi késellik alamiti bolushi mumkinlikini ilgiri sürgen idi. Norwégiye da'irilirining bildürüshiche, sot yene birqanche qétim dawamlishishi mumkin bolup, eger andérs bréiwikning rohi késelliki ispatlanmisa, sotchilar uninggha 21 yilliq qamaq jazasi yaki muddetsiz qamaq jazasi höküm qilishi mumkin iken.

Norwigiyidek démokratik dölette hetta andérs bréiwiktek qatilghimu özini aqlash pursiti bérilidighanliqini tekitligen Uyghur pa'aliyetchiliri buning xitayda élip bériliwatqan bir tereplime haldiki adaletsiz sottin alahide perqlinidighanliqini eskertip, Uyghur élide yéqinqi yillardin buyan barghanche köpiyiwatqan ölüm jazasi qatarliq jaza hökümliride mehbuslargha özini aqlash pursitimu bérilmestin, shunche qisqa waqit ichide jazaning ijra qilinishining özila xitayda puqralarning kishilik hoquqidin söz échish mumkin emeslikining ispatlaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.