Нур бәкри, муқимлиқ һәммидин үстүн шоарини ташлап, тәрәққият һәммини һәл қилиду шоариға есилди

Уйғур аптоном райониниң рәиси нур бәкри пәйшәнбә күни үрүмчидә мәмликәт характерлик бир қисим хитай мәтбуатлириниң зияритини қобул қилип, тәрәққият уйғур елидә мәвҗут барлиқ мәсилиләрни һәл қилишниң ачқучи икәнликини билдүргән.
Мухбиримиз әркин
2011.01.21

Йеқинқи вақитларға қәдәр муқимлиқниң уйғур елидә һәммини бесип чүшидиған түп амил икәнликини җар селип кәлгән нур бәкриниң, "шинҗаң мәсилисини һәл қилишниң ачқучи тәрәққият" дегән баянати көзәткүчиләр үчүн бир тасадипийлиқтур.

У бу сөзләрни пәйшәнбә күни хитайниң хәлқ гезити, шинхуа агентлиқи, мәркизи телевизийә истансиси қатарлиқ 9 ахбарат оргининиң бирләшмә зияритини қобул қилип, муқимлиқ билән тәрәққиятниң мунасивитини қандақ бир тәрәп қилиш мәсилисигә даир бир соалға җаваб бәргәндә тәкитлигән. Нур бәкри " тәрәққият шинҗаңдики барлиқ мәсилиләрни һәл қилишниң ортақ ачқучидур" дегән.

Көзәткүчиләрниң илгири сүрүшичә, нур бәкриниң бу сөзләрни қилған вақти билән хитай ахбарат органлириниң алайитән уни зиярәт қилған вақти, шәрт -шараит нуқтисидин наһайити назук бир күнгә тоғра кәлгән. Бу вақит хитай дөләт рәиси ху җинтав америкини зиярәт қиливатқан, кишилик һоқуқ мәсилиси униң зияритидики америка җамаәтчиликиниң әң диққитини қозғиған мәсилиләрдин бири болуп қалған мәзгил иди.

Нур бәкри тәрәққиятни тәкитлигән күни ху җинтав америка дөләт мәҗлисини зиярәт қилип, җон бонер, елина рус летинант қатарлиқ авам палата рәһбәрлириниң диний әркинлик, тибәт, уйғур вә сиясий мәһбуслар мәсилисидики күчлүк соал - сориқиға дуч кәлгән күн билән охшаш бир күнгә тоғра кәлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.