Нур бәкри икки йиғинниң роһини йәткүзгәндә хәлқ турмушини яхшилашни тәкитлиди

Уйғур аптоном райониниң рәиси нур бәкри алдинқи күни үрүмчидә бейҗиңда ечилған икки йиғинниң роһини йәткүзгән чеғида, хәлқ турмушини яхшилашни баштин - ахири тәкитлигән. У ишқа орунлишиш мәсилиси вә иҗтимаий параванлиқ ишлири тоғрисидиму арқа - арқидин чақириқ вә тәшәббуслар баян қилған.

2010-03-23
Share

Нур бәкри рәислик вәзиписини тапшурувалғандин кейин, 3 хил күчләргә зәрбә бериш, қош тиллиқ маарип, милләтләр иттипақлиқи қатарлиқ хитай һөкүмитини хуш қилидиған чақириқларни еғизидин чүшүрмәй кәлгән. Уйғурлар аңлашни арзу қилидиған уйғурларниң аптономийә һоқуқи, районниң тәбий байлиқи, миллий маарип вә миллий мәдәнийәт мәсилилири һәққидә һеч вақит еғиз ачмиған.

Бу сәвәбтин уйғурлар арисида " салам нур бәкри, нур бәкри" дегән тимида сатирик шиер тарқилип, униң ярамсизлиқлири тәнқидкә учриған иди. Чәтәлләрдики кишилик һоқуқ тәшкилатлири болса, уни уйғур хәлқиниң ирадисигә хилап һалда, һөкүмәткә ғалчилиқ қилиш билән әйибләп кәлмәктә.

Нур бәкри бу қетимқи нутқида хәлқ турмушини яхшилашни баштин - ахири тәкитләш билән биллә 3 хил күчләр һәққидә һеч тохталмиған. Ваң лечүән өткән һәптидики нутқида муқимлиқ һәммини бесип чүшиду дегән чақириқиға зит һалда, уйғур районида иқтисадни тәрәққий қилдурушниң муһимлиқини тәкитлигән. Нур бәкриниң нутқида хәлқ турмушини яхшилашни асаси орунға қоюши, ваң лечүәнниң иқтисадни тәрәққий қилдуруш чақириқидин бир һәптә кейингә тоғра кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт