Nur bekri qosh til terbiyisini balilar téxi kichik waqtidila bashlashni telep qilghan

Uyghur aptonom rayonining teyinlen'gen re'isi nur bekri 6 - ayning 4 - 5 - künliri qeshqerde xizmetlerni közdin kechürgen we " qosh til" terbiyisini "balilar téxi kichik waqtidila" bashlashni telep qilghan.
Muxbirimiz jüme
2010-06-12
Élxet
Pikir
Share
Print

Uning bildürüshiche, xitay merkiziy hökümiti 2012 - yilighiche, "balilar mektep yéshigha toshushtin ilgiri ikki yil qosh til ma'arip terbiyisi élip bérishni omumlashturushni" telep qilghan.

U, "bowaqlarning psixikisigha uyghun kélidighan amal charilerni tépip, qosh til oqutushida yash alahidilikige mas kélidighan yéngi yol tépip chiqish kérek" dégen we oqutquchilardin xitayda "ortaq ishlitidighan til - yéziq" ni yaxshi ögitishni telep qilghan.

Melum bolushiche, nur bekri bu nöwet asasliqi, gu'angdung ölkisidin kelgen wekiller ömikini bashlap qeshqerge barghan.

Xitay axbaratlirida gu'angdung ölkisining qeshqer wilayitining bir qisim nahiyilerde "yardem bérish sinaq nuqtiliri" qurghanliqi we 2 - iyun ish bashlighanliqini xewer qilghan idi.

Toluq bet