Нур бәкри үрүмчи намайишиға сәвәбкар 'гумандарларни пат арида қолға елип җазалайдиғанлиқи' тоғрисида вәдә бәргән

Уйғур аптоном райониниң рәиси нур бәкри җүмә күни, бу нөвәтлик үрүмчи намайишиға сәвәбкар "гумандарларни вә намайиш җәрянида җинайәт садир қилғанларни пат арида қолға елип җазалайдиғанлиқи" тоғрисида вәдә бәргән вә "зораван җинайи қилмишларға төмүр мушт билән зәрбә беридиғанлиқи"ни тәкитлигән.
Мухбиримиз җүмә
2009-07-24
Share

Шинхуа агентлиқиниң нәқил елип көрситишичә, нур бәкри, "зораванларға тақабил турушта алдин зәрбә бериш сияситини изчиллаштуридиғанлиқи" ни билдүргән.

У бу һәқтә тохтилип, "бу нөвәтлик намайиш миллий, диний вә яки кишилик һоқуқ мәсилиси болмастин, бәлки дүшмән күчләр билән дөләтниң бир пүтүнлүкини сақлаш арисидики күрәш" дегән.

5 - Июл намайиш партлиғандин кейин , нур бәкрини өз ичигә алған хитай һөкүмәт хадимлири, намайишниң сиртқи бөлгүнчи күчләр тәрипидин тәшкилләнгәнкини һәмдә мәзкур намайишқа алақидар кишиләрни қаттиқ җазалайдиғанлиқини билдүргән иди.

Һалбуки, уйғур вә хитай мутәхәссисләр, үрүмчи намайишини пәқәт хитайниң уйғурларға қаратқан адаләтсиз сиясити кәлтүрүп чиқарғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт