Америкида язғучи нурмәмәт ясин үчүн 1 милйон кишилик торда имза топлаш паалийити башланди

Америка қәләмкәшләр мәркизи хитай түрмисидики уйғур язғучи нурмәмәт ясинни һөрлүккә ериштүрүш үчүн бир милйон кишилик торда имза топлаш паалийити башлиди.
Мухбиримиз әркин
2009-12-28
Share

Имза топлаш паалийити "көңүл бөлүш" намлиқ торниң "әрзийәт" сәһиписидә 27 - декабир башланған болуп, өткән бир күн җәрянида җәмий 20 гә йеқин адәм имза қойған.

Нурмәмәт ясин, қәшқәр вилайитиниң маралбеши наһийисидин. У, уйғур елидә өзиниң қисқа һекайилири вә бир қисим шеирлири билән нам чиқарған язғучи. У "ява кәптәр" намлиқ прозисини елан қилғандин кейин, хитай бихәтәрлик даирилири тәрипидин қолға елинған вә 2005 - йили мәхпий сот билән 10 йиллиқ қамақ җазасиға һөкүм қилинған иди.

Нурмәмәт ясин 2005 - йили қәшқәр оттура сотқа әрз сунған болсиму, әмма униң әрзи рәт қилинип маралбеши наһийилик сот чиқарған әслидики һөкүм күчкә игә қилинған вә шу йили майда нурмәмәт ясин үрүмчигә йөткәлгән.

"Көңүл бөлүш" тор бетидә бошанған торда имза топлаш паалийити билән биргә елан қилинған язма материялда уйғурларниң нөвәттики әһвали вә уйғурлар йолуқуватқан сиясий бесимлар һәққидә мәлумат берилгән.

Буниңда уйғурларниң йәр ‏ - маканлиридин айрилип қиливатқанлиқи, хитай һөкүмитиниң қош тил сиясити түпәйли уйғур тилиниң тәһдиткә учриғанлиқи, уйғур қизлирини хитай өлкилиригә йөткәш сиясити вә әйдиз мәсилиси қатарлиқлар тонуштурулған.

Бу тор бетидә илгири қәдимий қәшқәрниң чеқилишиға қарши имза топлаш паалийитиму елип берилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт