Nursultan nazarbayéf küy'oghlini wezipisidin élip tashlidi

Qazaqistan prézidénti nursultan nazarbayéf ötken peyshenbe küni, küy'oghli timur qulibayéfni wezipidin élip tashlaydighanliqini élan qilghan idi.
Muxbirimiz shöhret hoshur
2011.12.26
Share on WhatsApp
Share on WhatsApp

Qazaqistan bash ministiri kérim mesimofning öz torbétide ashkarilishiche, bügün yeni düshenbe küni prézidént nazarbayéf küy'oghlini qazaqistanning samruq qazna shirkitining bashliqliq wezipisidin élip tashlap, ornigha, mu'awin bash minstir umirzaq shükeyéfni teyinligen. Nazarbayéfning bu qararigha yéqindin béri qazaqistanda dawam qiliwatqan ishchilar isyani seweb bolghan.

Samruq qazna shirkiti, qazaqistanning dölet igilidiki néfit we tebi'iy gaz shirketlirinimu öz terkipige alghan bolup, bu shirket qazaqistan iqtisadining omurtqisi dep qarilidu.

Mana mushundaq bir iqtisadiy bazigha, prézidént küy'oghlining qomandanliq qilishi, yillardin béri qazaqistan puqraliri arisida yoshurun naraziliq peyda qilip, qazaqistan sirtida bolsa tenqid obyékti bolup kelgen. Gerche, nazarbayéf mezkur qarari arqiliq isyankar ishchilarning achchiqini peseytishke urunuwatqan bolsimu, emma, ishchilarning qazaqistan dölet rehberlik qatlimidiki chiriklikke qarita nepritining buningliq bilen peseymeydighanliqi texmin qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.