Nursultan nazarbayif küy'oghli timur qulibayifni wezipisidin élip tashlimaqchi

Qazaqistan prézidénti nursultan nazarbayif tünügün yeni peyshenbe küni küy'oghli timur qulibayifni qazaqistanning eng chong dölet igilikidiki karxaniliridin biri bolghan samruq qazna shirkitining bashliqliq wezipisini élip tashlaydighanliqini bildürgen.
Muxbirimiz shöhret hoshur
2011.12.23
Share on WhatsApp
Share on WhatsApp

Timur qulibayéf qazaqistanda nazarbayéfning warisi dep qarilip kéliwatqan bolup, uning hakimiyetni ötküzüwélish üchün, özining rehberlik qoshunini teyyarlawatqanliqi xewer qilin'ghan idi.

Roytéris agéntliqining bügünki bu heqtiki xewiride bildürüshiche, nazarbayifning bu qararigha ötken hepte, qazaqistanda yüz bergen néfit ishchilirining isyani seweb bolghan.

Xewerlerdin melum bolushiche, mezkur qarar nazarbayifning shexsiy qarari bolup, téxi memuri tertip boyiche resmiyleshmigen.

Shundaqtimu, bu qararni bezi közetküchiler, isyanda ölgen 16 neper ishchining a'ile-tawabatigha teselli bérish üchün dep qarimaqta؛ yene béziler bolsa, bu, nazarbayéfning textni aldirap bashqilargha ötküzüp bermeydighanliqidin isharet dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.