دائىرىلەر دەۋاگەر نۇرۇنگۈل توختىنى ئالداپ ئەكىتىلىپ سولاپ قويدى

خىتاينىڭ ئاقسۇ ئۇچتۇرپان ناھىيىسىدىكى دائىرىلەر، بېيجىڭدا داۋا قىلىۋاتقان نۇرۇنگۈل توختىنى ئۆتكەن ئايدا قۇرۇق ۋەدە بىلەن ئالداپ ئەكېتىپ، ئارىدىن بىر ھەپتە ئۆتمەيلا تۇتقۇن قىلغان.
مۇخبىرىمىز شۆھرەت ھوشۇر
2012-07-16
Share

دائىرىلەر نۇرۇنگۈلنى قايتۇرۇپ ئەكېتىشنىڭ ئالدىدا ئۇنىڭغا تېلېفون ئارقىلىق ئىدىيىۋى خىزمەت ئىشلەپ، ئۇنىڭ ئالدىنقى يىلى ئۇچتۇرپان قاماقخانىسىدا 39 كۈن ھەقسىز ياتقانلىقىغا تۆلەم بېرىدىغانلىقىنى ئېيتقان ۋە ئۇنىڭ بانكا ھېساباتىغا 20مىڭ يۈەن پۇل يوللاپ بېرىپ، ئۇنى قايتىپ كېلىشكە دەۋەت قىلغان. نۇرۇنگۈل 20 مىڭ يۈەن نەق پۇل ھېساباتىغا ئۆتكەندىن كېيىن، دائىرىلەرنىڭ ۋەدىسىگە ئىشىنىپ يۇرتىغا قايتىپ كەتكەن. ئۇ يۇرتىغا بېرىپ ئەتىسى ئۇچتۇرپان ناھىيىلىك ساقچى ئىدارىسىنىڭ ساقچىلىرى ئۇنىڭدىن ئەھۋال ئىگىلىگەن. ئارىدىن يەنە بىرقانچە كۈن ئۆتكەندە ئۇنى تۇتۇپ كەتكەن.

مەلۇم بولۇشىچە، ئۇ نۆۋەتتە ئۇچتۇرپان قاماقخانىسىدا تۇتۇپ تۇرۇلماقتا. نۇرۇنگۈل توختىنىڭ ئەسلى ئەرزى ئۇ داليەندىكى چېغىدا 8 ياشلىق ئوغلىنى بۇلاپ كەتكەن خىتاي قاراقچى ئۈستىدىن ئىدى. نۇرۇنگۈل داۋا جەريانىدا خىتاينىڭ مەركىزى ئىنتىزام تەكشۈرۈش كومىتېتى قاتارلىق ئورۇنلىرىدا كۆپ قېتىم خىتاي ساقچىلىرى بىلەن جاڭجاللاشقان. ئۇ بۇ سەۋەبتىن ئالدىنقى يىلى بېيجىڭدىن تۇتۇپ كېتىلىپ ئۇچتۇرپان قاماقخانىغا 39 كۈن قاماپ قويۇلغان. نۇرۇنگۈل قاماقخانىدىن چىقىپلا ئەرزىنى داۋاملاشتۇرغان. بۇلتۇر دائىرىلەر ئۇنىڭ ئېغىزىنى بېسىقتۇرۇش ئۈچۈن يېزىلىق سىياسىي كومىتېتىغا ئىشقا ئورۇنلاشتۇرغان؛ لېكىن خىزمەت داۋامىدىكى ھەقسىزلىقلارغا قاراپ تۇرالمىغان نۇرۇنگۈل مەزكۇر خىزمىتىدىن ئىستېپا بەرگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.