Америка мутәхәссиси нозугүм һәққидә илмий мақалә елан қилди

Америка уйғуршунаси кара абрамсон ханим йеқинда 19 - әсирдә өткән уйғур миллий қәһримани нозугумниң һаяти, идийиси вә нозугум роһиниң уйғур аяллириниң җәмийәттики ролиға көрсәткән тәсири һәм башқа мәсилиләр һәққидә икки йил әтрапида издиниш нәтиҗисидә чоң һәҗимлик илмий мақалә елан қилди.
Мухбиримиз үмидвар
2013.01.27


“җиинсийәт, уйғур кимлики вә нозугүм һекайиси” мавзулуқ мәзкур илмий мақалә хәлқарада нопузлуқ “ асия тәтқиқат журнили” да елан қилинған болуп, 20 бәтлик мәзкур илмий мақалидә нозугүм һәққидә қалдурулған барлиқ уйғурчә мәнбәләр вә йезилған әдәбий һәм илмий мақалиларниң һәммиси дегүдәк селиштурулуп, тәтқиқ қилинған.

Аптор уйғур тилини пухта билгәнлики үчүн һазирғичә нузугум һәққидә йезилған барлиқ әсәрләрниң һәммисини дегүдәк оқуп чиққан.

Апторниң қаришичә, билал назим, нәзәрғоҗа абдусәмотоф әң дәсләп нозугүм һәққидә издинип әсәр язған килассиклардур. Уйғур миллий кимлик идийиси вә милләтпәрвәрликиниң күчийишигә әгишип, нозугумниң миллий символлуқ вә миллий қәһриманлиқ роли техиму гәвдиләндүрүлгән. Апторниң қарашлирини мундақ чүшиниш мумкин; уйғур аяллириниң роли уйғур җәмийитидә изчил муһим салмақни игилигән болуп, уйғурлар аялларниң роли вә орниға әһмийәт бәргән, бүгүнки вақитлардиму уйғур аяллири уйғур җәмийитигә тәсир көрситиш күчигә игә болуп кәлмәктә.

Һазирғичә нузугум һәққидә роман, повест, дастан һәм мақалилар йезилған болсиму, бирақ мундақ системилиқ, академийилик илмий әмгәк техи мәйданға чиқмиған иди. Бу нозугүм вә уйғур аяллириниң уйғур җәмийитидики роли мәсилисини чүшиништә бәк муһим әһмийәткә игә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.