Nyuyork uniwérsitétida Uyghur kishilik hoquq pa'aliyiti élip bérilidu

Nyuyork uniwérsitéti tor bétide bu heqte bérilgen uqturushta körsitilishiche , pa'aliyiti amérikining nyuyork shehirige jaylashqan nyuyork uniwérsitéti wagn'ér ammiwi mulazimet institutidiki xelq'ara ammiwi mulazimet teshkilati oqughuchilar guruppisi orunlashturghan bolup, pa'aliyet 16 - aprél kechqurun sa'et 6:30 din 8:00 ghiche ötküzilidiken.

Mezkur pa'aliyette, xitay hökümiti yillardin béri Uyghurlar üstidin élip bériwatqan siyasiy, diniy we medeniy jehetlerdiki basturushlar we bu xildiki basturushlarning 2001 - yiliki séntebir weqesidin kiyin izchil rewishte éghirlap barghanliqi heqqide doklatlar bérilidiken we qisqa filim körsitilidiken.

Melum bolushiche, pa'aliyetning royapqa chiqishigha ilgiri Uyghur amérika jem'iyitide siyasiy pa'aliyetlerge aktip ishtirak qilghan kesy poli'as xanim küch chiqarghan.