Prézidént obamaning yuqiri derijilik yardemchiliri daramsalani ziyaret qilip, dalay lama bilen körüshti

Düshenbe küni, amérika prézidénti barak obamaning yuqiri derijilik yardemchiliridin teshkillen'gen bir ümek daramsalani ziyaret qili'ip, tibet rohani dahisi dalay lama bilen körüshken.
Muxbirimiz erkin
2009-09-14
Share

Aqsarayning meslihetchisi waléréy jerrét bashchiliqidiki 3 kishilik wekiller ömiki yekshenbe küni tibet sergerdan hökümitining bash ministiri bilen uchrashqandin kéyin, düshenbe küni dalay lama bilen söhbet élip barghan. Dalay lamaning bayanatchisi tanzin talxa fransiye axbarat agéntliqigha melumat bérip, "amérika wekiller ömikining dalay lama bilen uchrashqanliqi"ni bildürgen. Lékin 2 sa'et dawamlashqan söhbetning tepsilati toghrisida uchur bermigen.

Bu amérika dölet mejlisi re'isi nensi pelusi 2008 ‏- yili 3 ‏- ayda daramsalani ziyaret qilip, dalay lama bilen körüshkendin buyan daramsalani ziyaret qilghan tunji amérika wekiller ömikidur. Amérika wekiller ömikining ziyariti dalay lama 10 ‏- ayda amérikini ziyaret qilip, barak obama bilen körüshüsh éhtimali bar, dep qariliwatqan mezgilge toghra kelgen.

Dalay lama 10 ‏- ayda amérikini ziyaret qilip, kéyinki ayda prézidént obama xitayni ziyaret qilidu. Waléréy jerrét bashchiliqidiki amérika wekiller ömiki yekshenbe küni yene tibet yashlar qurultiyi qatarliq tibet ammiwi teshkilatlirining rehberliri bilen uchrashqan.

Fransiye axbarat agéntliqining xewer qilishiche, tibet yashlar qurultiyining re'isi séwang rinzin "biz obama hökümitining konkrét qedem bésishini, bizning mesilimizde amérikining xitay bilen ilgirilesh hasil qilishini ümid qilimiz" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet