Obama güentanamodiki Uyghurlarni amérikigha qoyuwétish pilanini aqlidi

Amérika prézidénti barak obama peyshenbe küni özining dölet bixeterlik siyasiti toghrisida nutuq élan qilip, özining güentanamo türmisini taqash, türmidiki 17 neper Uyghurni amérikigha qoyuwétish pilanini aqlidi.
Muxbirimiz erkin
2009-05-22
Share

Prizidént obama amérika asasiy qanun xatire sariyida élan qilghan nutuqida güentanamo amérikining bixeterlikini kücheytmey belki ajizlashturghanliqini, sotning türmidiki 17 neper Uyghurni qoyup bérishni buyrughanliqigha qarimay bu mesilidiki talash‏ - tartishning tinjimay kéliwatqanliqini tekitlidi.

Obama mundaq deydu": yéqinqi bir qanche heptidin béri güentanamo heqqidiki qanuni bes - munazire kücheydi. Güentanamo men taqaymen yaki taqimaymen dégenlik bilen mewjüt bolghan nerse emes. Mesilen, sot mehkimisi 17 neper Uyghurni qoyup bérishke buyrughan. 17 Neper Uyghur ötken yili küzde prézidént bush hakimiyettiki mezgilide orunlashturulushi kérek idi. 2006 ‏ - Yili güentanamodiki sot séstimisini inawetsiz dep höküm chiqarghan aliy sottiki sotchilarning köpchilikini jumhuriyetchi prézidéntlar teyinligen".

Obama yene, " güentanamo tutqunlirini qandaq qilish mesilisi méning lagirni taqash qararim bilen peyda bolghan nerse emes. Chünki bu mesile güentanamoni échish bilen peyda bolghan," dep körsetti. Obama bu nutuqni élan qilishtin bir kün burun amérika kéngesh palatasi qanun maqullap, obamaning güentanamoni taqishigha kéreklik 80 milyon dollarni testiqlashni ret qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet