Obamaning güentanamoni taqash pilani ongushsizliqqa uchrimaqta

Amérika prézidénti barek obamaning güentanamoni taqash üchün yil axirighiche serp qilidighan 80 milyon amérika dolliriliq meblegh pilani téxiche testiqlanmay turuwatidu.
Muxbirimiz weli
2009-05-20
Share

B b s ning bayan qilishiche, obamaning güentanamoni taqash pilanini bashtin - axir aktip qollap kéliwatqan démokratlar partiyisi hazir jumhuriyetchilerning obamagha qarimu ‏ - qarshi qoyghan layihilirige qoshulup kétiwatidu.

Xewerde bayan qilishiche, amérika kéngesh palatasining démokratlar rehbiri riyt yéqinda ' obama hökümiti güentanamodiki 240 neper tutqunni qandaq bir terep qilish toghrisidiki konkrét pilanini yollimighiche, démokratlar partiyisi obamaning güentanamoni taqash üchün ishlitidighan meblighini bermeydu we her qandaq ehwal astida térrorchilarning amérika zéminigha qoyup bérilishige ruxset qilmaydu' dep jakarlighan.

Gerche obama yéqinda, güentanamo türmisidiki tutqunlar heqqide bir qeder tepsiliy mesililerni otturigha qoyghan bolsimu, emma hazirqi ehwaldin qarighanda , obamaning güentanamoni taqash pilanini ijra qilish éhtimalliqi köp emes.

Amérika awazining bayan qilishiche, obama hökümitining güentanamoni taqash üchün ishlitidighan meblegh pilani, yeni 2338 belgilik layihige qarita, amérika dölet mejlisining meblegh komitéti ezasi tod tiyart, dölet mejlisi tashqi ishlar komitétining ezasi den burton, kéngesh palatasi axbarat komitétining ezasi sakbi chemblislar 'térrorchi gumandarlirining amérika zéminigha kirgüzülüshi men'i qilinidu shundaqla amérika hökümiti teminleydighan menpe'etliridin behriman bolushi men'i qilinidu' dep testiq salghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet