Gu'antanamo türmisini taqash, obamaning tunji buyruqi bolishi mumkin

Amérikining yéngi nöwetlik prézidéntliq wezipisige olturush aldidiki barak obamaning, kéler hepte ichide gu'antanamo herbiy türmisini taqash heqqidiki buyruq höjjetlirige teyyarliq qiliwatqanliqi melum.
Muxbirimiz gülchéhre
2009-01-13
Share

Amérika birleshme agéntliqining xewirige qarighanda, gu'antanamo herbiy türmisini taqash, obama wezipige olturghan tunji heptisi yaki yéqin bolghanda tunji künide chüshüridighan prézidént buyruqi bolup qélishi mumkin.

Obamaning ismini ashkarilashni xalimighan ikki neper meslihetchisining muxbirlargha bildürüshiche, gu'antanamo herbiy türmisini taqash pilanining ijra qilinishi obama wezipige olturghan tunji küni yeni 20 - yanwar bashlinishi mumkin, shundaqla obama buning bilen teng gu'antanamoda turuwatqan elqa'ide we taliban'gha chétishliq 250 neper gumandarlarni qandaq bir terep qilish heqqide qarar alidu. Emma yene meslihetchilerning bildürüshiche, bu qarar kéler seyshenbige qeder ashkarilanmaydiken.

Melum bolghandek nöwette, xata waqitta xata jayda turup qalghan dep aqlan'ghan bolsimu qobul qilidighan dölet chiqmighanliqi üchün dawamliq gu'antanamo türmiside turuwatqan yene 17 neper Uyghur bar, merkizi amérikidiki xelq'ara Uyghur démokratiye we kishilik hoquq jem'iyiti we amérikidiki bir qisim kishilik hoquq we ijtima'iy teshkilatlar, gu'antanamo türmisi taqalghandin kéyin bu Uyghur tutqunlarning héch bolmighanda melum bir qismining amérikigha yerleshtürülüshi üstide tirishchanliq körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet