Обама һөкүмити гүәнтанамодики уйғурларни америкиға орунлаштуруш пиланидин ваз кәчкән

"Вашингтон почтиси гезити" ниң хәвәр қилишичә, обама һөкүмитидики әмәлдарлар обаманиң гүәнтанамодики уйғурлардин бир қисим кишиләрни америкиға орунлаштуруш пиланидин ваз кәчкәнликини билдүрди. Мәзкур гезитниң хәвиридә һөкүмәтниң бу қарари америка дөләт мәҗлисидики обаманиң пиланиға қарши чиққан көп санлиқиларниң пикирини нәзәрдә тутқанлиқини ипадиләйдиғанлиқи, лекин явропадики иттипақдаш дөләтләрниң уйғурларни қобул қилишини мурәккәпләштүриветидиғанлиқини билдүргән.
Мухбиримиз әркин
2009-06-12
Share

" Вашингтон почтиси гезити" бу хәвәрни елан қилиштин бир күн бурун гүәнтанамодики уйғурлардин 4 киши әнгилийә һамийлиқидики саяһәтчиләр дөлити бермуда тақим араллириға орунлаштурулған иди. 4 Уйғурниң бермудаға орунлаштурулуши дуня мәтбуатлириниң пәйшәнбә вә җүмә күнлиридики әң җиддий темилиридин болуп қалған.

"Вашингтон почтиси гезити" хәвиридә йәнә, америка әмәлдарлириниң сөзини нәқил кәлтүрүп, америкиниң башқа дөләтләр билән гүәнтанамодики қалған 13 нәпәр уйғурни орунлаштурушни сөзлишиватқанлиқини, бу дөләтләр гүәнтанамодики уйғурларни қобул қилишни халайдиғанлиқини билдүргән тинч окяндики арал дүлити палавни өз ичигә алидиғанлиқини билдүргән. Палав президенти җонсон торибиоң болса гүәнтанамодики қалған 13 нәпәр уйғурни қобул қилишни халайдиғанлиқини җакарлиған иди.

"Вашингтон почтиси гезити" ниң хәвиригә қариғанда, обама һөкүмитиниң бир әмәлдари кәлгүси бир қанчә күн ичидә йәнә 4 кишиниң орунлаштурулидиғанлиқини билдүргән. Лекин у, уларниң қайси дөләткә орунлаштурулидиғанлиқини ашкарилимиған.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт